ალბათ ყველამ ნახეთ თუ რაოდენ Kარგად და ლამაზად შეასრულა სოფიკომ თავის დავალება ევროვიზიის პირველ საფეხურზე, და იგი გადავიდა ფინალში... ჩვენ ვიმედოვნებთ რომ იგი ფინალში გასვლის შემდეგ პირველ ადგილს აიღებს... აბა ყველამ გამოთქვით აზრი სოფიკოს მიმართ ანუ დაწერეთ ვინ რას ფიქრობთ მასზე... მე მაგალითად თავიდან საერთოდ არ მომწონდა მაგრამ ამდენი წარმატების შემდეგ ქართველია და მე ასე მესმის რომ ყველა ქართველს მხარი უნდა დავუჭიროთ მითუმეთეს როცა მას ეს ჭირდება... აბა ყველამ ერთად გავამხნევოტ ჩვენი ახალგაზრდა მომღერალი რათა ევროვიზიიდან გამარჯვებული დაგვიბრუნდეს სამშობლოში... მე პირადად მას ყველაფერს კარგს ვუსურვებ რაღა თქმა უნდა ასევე გამარჯვებას... იმედია გავიმარჯვებთ ბიოგრაფია ვინც ეძებს, პოულობს - საყვარელი ფრაზის რეალური გაგრძელება
სოფო ხალვაშის გზა ევროვიზიისკენ სოფო ხალვაში მომღერლობაზე ბავშვობიდან ოცნებობდა, სიმღერა სამი წლის ასაკში დაიწყო, მისი პირველი შემფასებლები ოჯახის წევრები იყვნენ. შემდეგ იყო უკვე ბათუმის მუსიკალური სასწავლებელი (საფორტეპიანო და ჰობოის კლასი). მოგვიანებით პიანისტობა ესტრადით შეცვალა და საკუთარი მუსიკალური შესაძლებლობები სატელევიზიო კონკურსში “ნუცას სკოლა-2004”- ში მოსინჯა. დამწყებმა მომღერალმა ხალხის მხარდაჭერით გამარჯვება დაიმსახურა. პირველი საერთაშორისო აღიარება კი 2006 წელს მოიპოვა. სოფო ხალვაში სიმღერის კონკურსის “ახალი ტალღა-2006»-ის (იურმალა, ლატვია) მესამე პრიზის მფლობელი გახდა. ამ წარმატების შემდეგ მან შემოთავაზებები მიიღო რუსული საპროდიუსერო კომპანიებისაგან, მაგრამ მან საქართველოში დაბრუნება გადაწყვიტა. სოფოს უყვარს გულწრფელი ადამიანები და მოგზაურობა, არ უყვარს უჭკუო მამაკაცები, ამაყობს იმით, რომ მიუხედავად სიძნელეებისა, აკეთებს მისთვის საყვარელ საქმეს. როგორც აღნიშნავს, რეპეტიციების დროს არასდროს იღლება, რადგან მისთვის სიმღერა ყველაფერია. სოფოს მიზანია მიაღწიოს სრულყოფილებას თავის პროფესიაში, ოცნებობს რომ გაიცნოს სტივი უანდერი და მასთან ერთად ჩაწეროს დუეტი. უყვარს სამოცდაათიანი წლების სოული და კლასიკური როკი. ამბობს, რომ დაუსახლებელ კუნძულზე პიანინოს წაიღებდა. სოფოს საყვარელი ცხოველი ვეფხვია, უყვარს ზღვა და ცურვა. თავისუფალ დროს მეგობრებთან ერთად გართობა და კითხვა უყვარს. სოფოს საყვარელი მწერლები კი მიხეილ ბულგაკოვი, გაბრიელ გარსია მარკესი და კონსტანტინე გამსახურდია არიან, პოეტებიდან უპირატესობას გალაკტიონ ტაბიძეს და ლადო ასათიანს ანიჭებს. სოფო კარგი მზარეულია და თითქმის ყველა კერძის დამზადება შეუძლია, თუმცა ყველაზე გემრიელი მაინც აჭარული ხაჭაპურიგამოსდის. უყვარს ჯინსები. ამბობს, რომ ამ სამოსში თავს კომფორტულად გრძნობს. მისი საყვარელი დიზაინერები არიან - მისაკი, სონია რაკელი, დრის ვან ნოტენი და ჯონი გალიანო. სუნამოებიდან კი ჟივენშის, ბულგარის, სტელა მაკარტნის და კომ დე გარსონის არომატები მოსწონს. სოფო ენერგიული და მოტივირებული ადამიანია, არ უჭირს დილით ადრე ადგომა და ყოველთვის ბედნიერების შეგრძნებით იღვიძებს. სახლიდან არასდროს გადის ხალისიანი განწყობის გარეშე. მისი საყვარელი გამოთქმაა - “ვინც ეძებს, პოულობს”. | 
